Labbakútar á Leggjabrjóti

Loksins, loksins fórum við Leggqjabrjót. Helga svipti hópinn nafninu Sexurnar og héðan frá kallast hópurinn; Labbakútar. Það var ekki að spyrja, glampandi sólskin og bros í öllum búkum. Voru rétt um sex tíma að þramma yfir Brjótin. Fórum frá Þingvöllum og gengum í Botsndal.
Niðurstaðan: Frábær ganga, gott veður og fyrirheit um að ganga meira og meira og meira.

Sexurnar á Vífilsfelli

Ég og Guðbergur fengum að fara með Sexunum á Vífilsfell. Fín ganga, að mestu. Helga varð hölt og Hildur blóðgaði sig. Ekkert varanlegt, held ég. Vaskur hópur sem stundum hljóp upp brattann. Vífilsfellið klikkar ekki. Skemmtilegt fjall, en að þessu sinni var útsýnið af toppnum takmarkað, en samspil skýja og kvöldsólar var með sóma, sem ekki er boðið upp á daglega.
Fundur var haldinn í fjallinu. Um komandi helgi verður Leggajbrjótur lagður.
Sexurnar fagna áfanganum á einni myndinni.
Jórunn leggur línur á annarri og ég svindla mér inn í myndasafnið á þeirri þriðju. Ég er jú þemað.

Einn á Esju /yddaðar tær

Stundum er Ísland ómóstæðilegt. Þennan laugardag var Kristborg við vinnu, ég ekki. Ég fór á Esju, setti persónulegthraðamet upp að Steini, 45 mínútur. Líka niður, 35 mínútur. Það tókst samt ekki eins vel og vildi. Rann til í skónum með þeim afleiðingum að skinn fór af fjórum tám, þremur á hægri fæti og einni á vinstri. En metið féll.
Að venju er ég á annarri myndinni og hið stórfenglega útsýni fær að fljóta með.

Fimmvörðuháls

Fórum Fimmvörðuháls með Útivist. Farið var frá Skógum á föstudagskvöldi í fínasta veðri. Gengið upp með Skógá. Kostuleg ganga. Gott gönguland og afar fallegt. Komum í skála Útivistar klukkan hálf þrjú að nóttu. Þá var komin blindaþoka og rigningarúði. Sváfum þar um nóttina.
Gengum í Bása daginn eftir, í roki og í rigningu. Þrátt fyrir það var gangan skemmtileg. fínn hópur sem gaman var að vera með. Sváfum eina nótt í flottum skála Útivistar.
Sigurður og Kristíana voru farastjórar. Stóðu sig með sóma.

Langleiðin 29. júní

Fór með Útivist frá Meyjarsæti að Hlöðufelli. Gengnir voru rétt um 27 kílómetrar. Fínasta ganga, nema þar sem best er að ganga, öllujöfnu, var svo mikið moldrok að við urðum að ganga í mosakarga. Sem vissulega jók á erfiðið.
Var alls ekkert þreyttur og hafði gaman af.

Sporhelludalur

Fór ásamt Kristborgu þægilega göngu um Sporhelludal. Rétt um fimm kílómetrar. Ótrúlega fín ganga í fallegu umhverfi og mikið útsýni. Alltof fáir sem nýta sér þennan möguleika.

Móskarðshnjúkar og Hátindur

Fór með Gunna Andréssonar í jómfrúarferð mína á Móskarðshnjúka. Fín ganga sem stóð fyllilega undir væntingum. Eftir Móskarðshnjúkana gengum við Laufsskörðin og og þaðan yfir á Esjuna. Fóru á Hátind og þaðan niður.
Þetta var ágætt dagsverk, tók um sex tíma. Var mjög gaman og mátulega krefjandi. Fínn félagsskapur. Gunni er skemmtilegur og reyndur göngumaður.

Dyradalur, Marardalur, Sleggjubeinsdalur

gengum í gær, 14. júní, úr Dyradal, yfir í Marardal og enduðum í Sleggjubeinsdal. Til að gera þetta fórum við á báðum bílunum í Sleggjubensdal, skildum jeppann eftir og ókum á frúarbílnum í Dyradal. Og gengum, og gengum. Þetta var fínt. Gott veður og skap. Þegar við komum í Marardal hittum við þar hestafólk, en þegar við kojum út úr Dalnum að austan gengum við fam á ummerki um náttúruníðinga. Fleiri merki um grófan akstur tveggja og fjögurra hjóla nátturueyðingartækja urðu á vegi okkar.
Eftir að hafa borðað hádegsimat var hladið af stað á ný. Þá tókum við að mæta mönnum og mótorhjólum. Sumir þeirra hægðu ekki einu sinni ferðina þegar þeir mættu okkur. Ökuníðingar. Komum í Sleggjubeinsdal fjórum tímuj eftir að við lögum af stað. 13,1 km.

Hábunga Esjunnar

Fór með Útivist. Farið var upp Gunnlaugsskarð og á Hábungu Esjunnar. Þaðna var gengið yfir í Kjósina. Þetta var fín ganga, fínasta veður framanaf, en rigndi talsvert seinni hlutann. Samtals gengum við 16,5 kílómetra, 800 mtra hækkun og við vorum 7,5 klukkustundir að þessu.
Hafði gaman af þessu og ætla í fleiri strangar dagsferðir.

Aftur á Helgafell í Mosó

Fórum kvöldgönu á Helgafell í Mosó. Gengum hringinn. Tekur á annan tíma. Mættum rjúpu og fleiri góðum.

Úlfarsfell

Gengum ásamt Hildi Þorsteins á Úlfarsfell. Fínasta ganga og enn og aftur sannar Úlfarsfellið hversu hentugt það er. Tekur aðeins á, í góðu veðri er útsýnið drjúgt.

Benjamín á fjalli

Benjamín gekk með okkur á Úlfarsfell. Var duglegur og áhugasamur. Á fyrri myndinni er hann samferða ömmu sinni í einni af brekkunum og á hinni síðari liggjum við saman í skjóli á tindinum.
Vindur var hvass, en það jók okkur þrek frekar en hitt. Mikið talað um fótbolta, fótboltamenn og fótboltafélög. Hvers vegna spila svona margir Brasilíumenn á Ítalíu? Af því þeir eru svo góðr, var svarið. Svona gekk þetta, upp og niður og við kláruðum með sóma.

Feðgar á felli

Við Janus gengum á Helgafell í hádeginu miðikudaginn 28. maí. Fín amvera, gengið, talað og hlegið. Þannig á þetta að vera. Sviti er fínn. Við líka.

Hildur og Jórunn með á Helgaell

Þriðjudaginn 27. maí kom að því að Hildur og Jórunn komu með í göngu. Fyrir valinu varð Helgafell þeirra Hafnfirðinga. Gangan sóttist vel og var almennt gerður góður rómur af fellinu, félögunum og andanum.

Sunnudagur á Grænudyngju

Halda skaltu hvíldardaginn heilagan. Það gerðum við á Grænudyngju. Vindur, vindur vinur minn. Hann vantaði ekki. En fjandi var nú gaman samt. Ætluðum jafnvel líka á Trölladyngju, en þau áform fuku, já fuku út í buskann.

Á Vífilsfelli

Þegar Mannlíf kom úr prentun skundaði ég á Vífilsfell. Fín ganga og veðrið með ágætum. Dásamlegt sport, er kominn í stuð.

Aftur á Helgafelli

Eftir að hafa farið á Helgafell í Mosó var ákveðið að gera það aftur. Í fyrri ferðinni gengum við hringinn, góður klukkutími, en núna gengum við hring upp á fellinu, styttri gönguferð. En góð.

Hjónin á Helgafelli

Frábært á föstudegi

Sjaldan hef ég verið eins glaðu á göngu í rigningarsuddanum sem var á föstudagsmorguninn þegar farið var á Úlfarsfell. Milli 80 og 90 göngumenn voru samankomnir. Valdimar Örnólfsson stýrði morgunleikfimi áður en lagt var af stað. Frábær maður. Gleðin og ánægjan taumlaus. Uppi var boðið upp á morgunmat. En það var sko ekki allt. Páll Ásgeir, foringi okkar, er félagi í Karlakórnum Fóstbræðrum. Margir þeirra voru með honum og sungu fyrir okkur. Hér er að finna upptöku af söng þeirra. Stutt frá sagt, þá voru þeir klappaðir upp. frábært framtak og þeir fylltu brjós okkar hinna af hlýju og gleði. Eftir sönginn gengum við nokkur um á fellinu. Veðrið æstist, en veður er jú einu sinni aðeins viðhorf.

Helgafell á fimmtudegi

Morgungöngum var haldið áram. Á fimmtudegi var haldið á Helgafell í Mosó. Létt ganga en skemmtileg. Fjölmenni sem fyrr. Fæ ekki nóg af því að hrósa framtaki Ferðafélagsins, ætla að gerast félagi.

Vífilsfell að morgni

Mætti aftur í morgungöngu Ferðafélagsins undir stjórn Páls Ásgeirs. Þetta er ótrúlega vel heppnað verkefni. Fínn hópur sem er gaman að ganga með og Páll Ásgeir er fínn í hlutverki fyrirliðans. Á morgun verður farið á Helgafell í Mosó. Hlakka til.
Fjandans táin grær ekki. Sárt stundum, einkum þegar ég geng niður bratta.
Það var þungbúið á Vífilsfelli og því var ekkert útsýni. hef séð þetta allt áður, en aldrei nógu oft.

Faðir vor

Fór í morgungöngu með Ferðafélaginu. Farið var á Keili pg stóð til að fara um klukkan sex. Vorum aðeins of sein. Fínasta ganga, en tábrotið gefur sig ekki. Ekki nokkur leið. Vont á niðurleið. Hitti marga sem ég þekki. Einn af þeim er með mér á mynd, Ólafur Guðmundsson sölustjóri á Kjöreign.
Ljótt að játa, en ég man ekki nafnið á prestinum, held samt að hún heiti, Guðbjörg Jóhannesóttir, sem fór með bæn og blessun á toppi Keilis. Stórkostlegt. Takk fyrir mig, séra minn. Á hinni myndin hef ég lokið göngunni, þreyttur og sæll.

Úlfarsfell 5. maí

Jamm og jæja. 5. maí fórum við loks á Úlfarsfell. Það var ekki kalt, en fjandans rigning. Og vindasamt uppi. Þrátt fyrir takmarkaða æfingu lét Kristborg ekki hjáleggjast að tala í símann í miðri hlíðinni. Mikið að gera hjá frúnni. Já, svona er þetta. En það er með okkur einsog svo marga aðra sem hyggja á göngur í sumar, æfingatímabilið er hafið. Þó ekki Atlantshafið.

Helgafell 5. apríl

Jæka, tábrotinn fór ég á Helgafell. Þetta gengur ekki lengur. Fór til lækni sem sagði mér að ég verði að vera hægur. Táin brotnar aftur og aftur, þetta gengur ekki og ég ekki heldur, ekki á meðan þetta er svona.
Myndin er af mér á toppi Helgfells. Frábært veður.

Esja á föstudaginn langa

Við gerðum margt á föstudaginn langa. Við gegnum á Esjuna, komum heim og týndum vetrardraslið úr garðinum, þvoðum gluggana og bílana. Og, við létum renna í heitapottinn í fyrsta sinn. Og auðvitað fórum við í pottinn. Ég sofnaði, skamma stund.
Þetta var frábær dagur, sólskin og þokkalegur hiti, fimm til sex stig. En nú spáir snjókomu og grimmdarfrosti. Ósanngjarnt.
Hér eru þrjár myndir úr Esjuferð dagsins. Ekki fer á milli mála að hér er vetur enn. Snjór og svell.